Plantun de Prouvènço

Pèr coumpara dos planto d'encò nostre

Gagea luberonensis & Myosotis corsicana subsp. pyrenaeorum

fotò
fotò
Estello-jauno(-de-Leberoun)

Gagea luberonensis

Liliaceae Liliaceae

Nom en français : Gagée du Luberon.

Descripcioun :
Aquesto estello-jauno que s'atrovo au nostre subretout dins Leberoun, es estado destriado desempièi gaire de tèms. Es uno bastado entre Gagea bohemica e Gagea lacaitae. Adounc sèmblo un pau a l'uno e à l'autro. Es un pau pu forto que l'estello-jauno-de-Bouhemo e a de fueio e de petalo mai primo que l'estello-jauno-de-Lacaita. Aquesto meno èi sus la listo roujo, en vulneràri.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 12 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Gagea
Famiho : Liliaceae
Famiho classico : Liliaceae

Ordre : Liliales

Coulour de la flour : Jauno
Petalo : 6
Ø (o loungour) flour : 10 à 15 mm
Flourido : Printèms Ivèr

Sòu : Ca
Autour basso e auto : 0 à 700 m
Aparado : Noun
Remarco : G. bohemica x G. lacaitae
Janvié à mars

Liò : Tepiero roucaiouso
Estànci : Mesoumediterran
Couroulougi : Estenoumediterrano-Nord
Ref. sc. : Gagea luberonensis J.M.Tison, 1998

fotò
fotò
Te-vese-e-t'ame(-di-Pirenèu)

Myosotis corsicana subsp. pyrenaeorum

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis des Pyrénéens.

Descripcioun :
Aurés pas besoun d'ana dins li Pirenèu pèr lou rescountra, qu'aquesto meno trachis dins Ventour. Sèmblo bèn mai proche di te-vese-e-t'ame d'aquésti mountagno, e de Corso, que li dis Aup. Sabès que tout acò èro estaca avans la derivo Corso-Sardo i'a peraqui 35 MA. Se destrìo de sa cousino dis Aup que i'a ges de péu dessouto li fueio, s'atrovo pamens de péu croucu sus li costo di sepalo (fotò) e proun de péu sus si bord.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 5 à 25 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Myosotis
Famiho : Boraginaceae



Coulour de la flour : Bluio
Petalo : 5
Ø (o loungour) flour : 6 à 9 mm
Flourido : Estiéu

Sòu : Ca
Autour basso e auto : 1500 à 2700 m
Aparado : Noun
Juliet à avoust

Liò : Pelouso - Coumbo à nèu
Estànci : Mountagnard à Aupen
Couroulougi : Ouroufito-Sud-Éuroupo
Ref. sc. : Myosotis corsicana subsp. pyrenaeorum Blaise & Kerguélen, 1992 (= Myosotis alpestris subsp. pyrenaearum (Blaise & Kerguélen) J.M.Tison )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
ges
ges
ges
ges
ges
R
ges
ges

Gagea luberonensis & Myosotis corsicana subsp. pyrenaeorum

ges
ges
R
R
ges
ges
ges
ges

Coumpara Estello-jauno(-de-Leberoun) emé uno autro planto

fotò

Coumpara Te-vese-e-t'ame(-di-Pirenèu) emé uno autro planto

fotò